كيفااش نقدر نقاد CV احترافي ؟

كيفااش نقدر نقاد CV احترافي ؟ 

واحد السلام عليكم اصدقائي المبدعين 😁

وصلوني 3 ديال الاسئلة فالخاص متعلقين بكتابة CV 😅، وقررت ندير مقال كيفاش نبدع ف CV ديالي ف2017 🤔، و السبب انه باقي تابعين واحد النمطية متجاوزة، بالاظافة للاخطاء اللي ممكن تكون عندها نتائج عكسية الله يحفظ 😣 !

نبداو على بركة الله
----------------------------------------------

اولا☝️ قبل ما نبدا ف CV ديالي، ضروري و مؤكد❗ انني نجاوب على 3 ديال الاسئلة :

#1: شكون هي الشركة او الجهة المستهدفة ؟
#2: اشناهوما خصائص الديبارتومون département او المهنة اللي بغيت نزاول فالشركة او الجهة المستهدفة؟
#3: و اخيرا اشناهوما المكتسبات، و المهارات اللي كانتالكها و كتوافق الهدف ديالي؟

ملاحظة 1🙆‍♂️ : غادي يتاضح لينا من ظرورة الاجابة على هاد الاسئلة ! انه بالنسبة لكل شركة او جهة مستهدفة ضروري نصاوبو لها CV خاص بها، بمحتوى كايتناسب مع المعلومات اللي عندنا على الهذف و المكتسبات الشخصية ديالنا.
اذن نتفاداو الخطأ الشائع، نصاوبو واحد CV و نخدمو بيه على طول العام، و نصيفطوه لكولشي 🤣... هادشي راه ولا متجاوز و (دابا تعرف علاش!)

الاجابة على هاد الاسئلة بعناية كانقدر نكون صورة واظحة على :
أ : الشركة، مجال العمل ديالها و الخصائص ديالو، بالاظافة للسياسة المعتمدة من طرف المسيرين ديالها🤔
ب : نقاط الضعف او الفرص les opportunités اللي ممكن نحولها لصالحي🤗
د : الامكانيات و المكتسبات ديالي اللي ممكن نوضفها 😉، و المكان اللي نقدر نكون كقيمة مضافة فيه,

دابا ممكن نقولو بلي سالينا 50% ديال الخدمة 😲
--------------------------------------------------------------
ثانيا✌️ : من بعد ما وضحات لي الصورة و حددت الهدف ديالي كانجي للمحتوى CV :

المحتوى ديال CV كاينقاسم ل 2 اقسام :
1: المحتوى الجرافيكي، la charte graphique ""او باختصار Designe.
2: المحتوى المكتوب او المقروء.
"http://bit.ly/2wv2L0R"

==> 1 : الديزاين Designe :
بزاف ديال الشباب كايعتاقدو بلي الديزاين ديال CV مسألة ثانوية، فالحقيقة راه الوقت تبدلات، و الديزاين ديال CV ولا مهم بزاف و بدليل ظهور بزاف ديال les startups متخصصة غير ف تصميم les CV.
اللي خاصنا نعرفو ان التصميم الجرافيكي او Designe ديال CV كاتجلى الاهمية ديالو ف 2 ديال الامور :
أ: تعزيز الصورة التسويقية لنفسي 🤔
ب: التميز بين المترشحين لنفس الهدف😲

هنا غادي تلقى مقال مبسط على la charte graphique d'un CV : http://bit.ly/2wv2sss

==> أ :كيفما كانعرفو جميع انه ملي كانتقدم لشي وظيفة او مقابلة فأنا كانقوم بتسويق نفسي او تسويق الخدمات ديالي مقابل الظفر بهاد الهدف و باش النجح فهاد المهمة التسويقية، خاصني نعرف نوظف المكتسبات ديالي ( الدراسة، السطاجات...) و مكونات الشخصية ديالي ( الالتزام؛ الاستقلالية، الابداع...) بالطريقة اللي تخليني نكون مناسب للوظيفة المستهدفة.
و هنا ممكن نستغل الديزاين ديال CV باش نعزز الصورة التسويقية اللي بغيت نعطي على راسي او positionnement، بحيث ممكن نرسل من خلال designe، مجموعة من الرسائل كاتعطي نبدة على الشخصية ديالي، و بالتالي اللي كايقرى CV ديالي، مايركزش فقط على القراية ولكن يتخايلني، استثناء، فمثلا الى بغيت نعطي لراسي صورة الانسان الملتزم و الجاد كانستعمل التدريج ديال اللون الاسود، ويلا بغيت نعطي لراسي صورة الانسان المبدع ذو عقلية منفتحة على الجديد كانستعمل اللون الاصفر...

" شوف هاد المقال الفرنسي : استعمال الالوان حسب مجال العمل CV (http://bit.ly/2vCaHRv"
"

"الى كاين مهتمين نقدر ندير مقال على سيكولوجيا الالوان و توظيف ديالها ف CV"😃

فيما يتعلق بالخطوط و المقاسات ديالها و الالوان فهنا تقريبا كولشي كايعرف اننا ماخصناش نفوتو 2 انواع بالنسبة للمقاسات و كذلك الالوان، بالشكل لي يخليها تكون واظحة و غير متعبة للعين و مرتبة، وكاتنساجم مع التصميم العام.

==> ب: بالنسبة للتمييز، تصور معاية تكون قدام عرام ديالles CV كولها متشابة الا واحد او 2 !!
--------------------------------------------

==> 2 :بالنسبة للمحتوى المكتوب كذلك كانلقاو بزاف ديال الاخطاء و بعض الامور اللي ولات من الظروريات ولكن الكثير ماكايعطيهاش اهتمام :

<> اولا :القبضة l'accroche :
(http://bit.ly/2udMsso l'accroche d'un CV مقال فيه كل ماتحتاج معرفته على)

هادي ولات من الضروريات، و هي عبر عن جملة كاتكون فأول CV، الهدف منها هو انك كاتقول للمشغل انني عارف اشنو بغيت و هاهوما المميزات ديالي الي كايخليوني نكون الشخص المناسب فالمكان المناسب! و كأنك كاتجاوبو شخصيا فكليمات
مثلا :
2 ans d’expérience en Logistique . Administratif . Négociation
Gestion . Management . Télécommunications . Audiovisuel . Reprographie & Impressions
او

Après avoir passé trois ans à faire différents stages dans des Start-up, en cherchant ce que j’avais vraiment envie de faire, je dois admettre que ça y est, j’ai compris que je n’étais bon qu’à deux choses : écrire des contenus de grande qualité et les faire lire au monde entier

لمزيد من الامثلة : http://bit.ly/1q77aDO
....
<> تانيا : la Formation و les experiences professionnelles :

اعباد الله راه باقي كاين لي كايدير الترتيب التصاعي للسنوات الدراسية 😞 !
راه دائما كانبداو بآخر حاجة، و في حالة ما اذا مازال ماعندناش الديبلوم او ماكملناش باش نحصلو عليه كانكتبو niveau

<> ثالثا : اللغات :
راه بزاف ديال المشغلين كايعتابرو انك باش تدير من بين اللغات العربية و الشلحة، ماعندها حتى معنى !!
من الاحسن ندير اللغات اللي كانعرف و نستعمل التقييم التالي :
pratique occasionnelle
régulière
professionnelle
<> رابعا : الاهتمامات centre d'intérêt :
للأسف هاد la partie مهمة بزاف ولكن ماكانعطيوهاش اهمية 😞 :غالبا كانكتبو فيها voyage, musique...
و السبب هو ان الاغلبية ماكاينخارطوش فنوادي و جمعيات او منظمات اللي تخليهوم يشاركو بدوناميكية فمجالات متعددة حسب الاهتمام ديالهوم، و شحال من واحد تم التوظيف ديالو فقط لأن الديناميكية اللي كانت عندو خلاتو يبان على اساس انه انسان اجتماعي، و متواصل و حركي....
------------------------------------------

ملاحظة : واش ضروري نكتب كولشي المعلومات اللي كاينين و تجارب دياولي و اهتماماتي و ....
هادي من بين الامور المتجاوزة، يستحسن انك انطلاقا من الاجابة على دوك الاسئلة فاللول، تركز على فقط اللي عندو علاقة مباشرة بالهذف ديالك، و داكشي لاخر كايبقى ثانوي
بهاكدا كاتقدر تخلي المشغل كايحس بنوع من الانسجام مابين المهارات ديالك و متطلبات العمل بلا مايتشتتش الانتباه ديالو بأمور اخرى...

بس1 : هذه خلاصة مجموعة تكوينات ف enactus و anapec و ....
بس 2 : هادا غير جزء اول، الا لاحظت اهتمام ندير جزء ثاني ندير فيه CV ديالي و ناقشوه على ضوء ماشفنا فالفوق 🙂
بس 3 : اول مرة نكتب شي بوسط قد هاكدا 😀
بس 4: اول مشاركة ليا 😀

By @Achraf Akanzal

ايلا ستافدتي من هادشي و بانليك كايستاحق لبارطاج ♻ فمتبخلش على صحابك و بارطاجيه معهم.. ولا تاكيهم لتعم الفائدة